پاکستان میں کرونا کیسز میں اضافے کے سبب تعلیمی اداروں کو بند کرنے سے متعلق کوئی حتمی فیصلہ اب تک سامنے نہیں آیا ہے، لیکن کل کے اجلاس میں تعلیمی اداروں سے متعلق تجویز پر غور کیا جا رہا ہے۔
ذرائع کے مطابق کرونا وائرس کے پھیلاؤ کو روکنے کے لیے بنائی گئی کمیٹی کی جانب سے کچھ تجاویز پر غور شروع کر دیا گیا ہے، جس طرح ایس او پیز کے حوالے سے احکامات دیے جا رہے ہیں، بالکل اسی طرح اب تعلیمی اداروں کے حوالے سے بھی خبریں سامنے آ رہی ہیں۔
ہو سکتا ہے یہ خبر بچوں کے لیے ایک امید کی کرن ہو، مگر اب جو خبر ہم بتانے جا رہے ہیں وہ والدین کے لیے ضرور اہم ہوگی۔ کمیٹی کی جانب سے تعلیمی اداروں کو ہفتے میں تین دن کھولنے کی تجویز پیش کی گئی ہے، جس پر غور شروع کر دیا گیا ہے۔
اگر یہ تجویز قبول کر لی جاتی ہے تو پھر تعلیمی ادارے ہفتے میں تین دن ہی کھلیں گے۔ یہ بھی ممکن ہے کہ کلاسسز کو مختلف دنوں میں بانٹ دیا جائے.