معصوم بچہ بھی زندگی کی بازی ہار گیا ۔۔ کراچی میں ریلی پر حملہ اور تشدد کے واقعات

کراچی کا سیاسی ماحول آج کل بہت زیادہ گرم ہے ہر طرف دھرنے، سیاسی ریلیاں اور احتجاج کیے جا رہے ہیں۔ وہیں پولیس بھی ایکشن میں ہے۔ ماضی میں کراچی کی مضبوط جماعت ایم کیو ایم آج ایک بر پھر سیاسی میدان میں نظر آرہی ہے۔ کراچی میں متحدہ قومی موومنٹ (ایم کیو ایم) پاکستان کے وزیر اعلیٰ ہاؤس کے باہر دھرنے پر پولیس نے لاٹھی چارج اور شیلنگ کردی جس کے باعث رکن سندھ اسمبلی سمیت کئی کارکنان زخمی ہوئے تھے بعد ازاں ایم کیو ایم کے ایک کارکن بھی جاں بحق ہوئے۔ لیکن افسوس کی بات یہ ہے کہ اس تشدد میں ایک معصوم ننھا بچہ بھی اپنی جان سے ہاتھ دھو بیٹھا۔ بچہ جب زخمی ہوا تو سوشل میڈیا پر اس کی تصاویر کے ساتھ دعائیہ کلمات کا سلسلہ بھی جاری رہا لیکن بچہ جانبر نہ ہوسکا۔