کراچی، 9 مارچ، 2022: کراچی میں دورے کے موقع پر جنوبی و وسطی ایشیا کیلیئےامریکا کے نائب مندوب (AUSTR) کرسٹوفرولسن اور امریکن بزنس کونسل، پاکستان بزنس کونسل اور پاکستان کے مالیاتی، ٹیکسٹائل اورزراعت کے شعبے سے تعلق رکھنے والے نمائندگان کے درمیان اہم مذاکرات ہوئے۔ ان مذاکرات کے اہتمام اور نظامت کے فرائض امریکی قونصلیٹ جنرل کی جانب سے انجام دیئےگئے۔
صنعت، تجارت اور کاروبار سے تعلق رکھنے والے نمائندگان سے ملاقاتوں میں وفود نے امریکا اور پاکستان کے درمیان تجارتی تعلقات کی اہمیت کو اجاگر کیا۔ اس موقعے پر آسٹرولسن کا کہنا تھا کہ " امریکا اور پاکستان کو تجارتی تعلقات بڑھانے کے حوالے سے لیئےگئے اقدامات پر فخر ہے، ہمارا یہ دوره بھی امریکا-پاکستان میں فروغ پانے والے تجارتی تعلقات کو مزید وسعت دینے کے حوالے سے ایک اہم موقعہ ہے۔
مذاکرات کے مختلف ادوار میں امریکی وفد نے کہا کہ امریکا اپنے پاکستانی شراکتداروں کے ساتھ ملکرسرمائیکاری اور تجارتی تعلقات کے فروغ کیلئے ترجیحی بنیادوں پر کام کر رہا ہے۔ آسٹرولسن نے پاکستانی اداروں کو اپنے آپریشنز میں ماحولیاتی پائیداریت بڑھانے اقدامات لینے پر مبارکباد پیش کی، علاوہ ازیں انہوں نے پاکستان کی معیشت میں اداروں کی بھرپور شمولیت اور خواتین کو بااختیار بنانے کی اہمیت پر بھی زور دیا۔
پاکستان کی سویابین اور ٹیکسٹائل صنعت کے نمائندگان سے ملاقاتوں میں آسٹرولسن نے امریکا-پاکستان تعلقات کو فروغ دینے کے مواقع اور چیلینجزکیساتھسرمائیکاری اور تجارت کے حوالے سے آسٹر کے مقاصد پر روشنی ڈالی۔