پاکستان کے منتخب ہونے والے تئیسویں وزیراعظم شہباز شریف نے قومی اسمبلی میں اپنی پہلی تقریر کرتے ہوئے قوم کو فوری ریلیف دینے کا اعلان کیا اور کم سے کم اجرت 25 ہزار مقرر کردی جس کا اطلاق یکم اپریل سے ہوگا۔

پینشن اور تنخواہوں میں اضافہ

شہباز شریف نے تقریر کے دوران اعلان کیا کہ ایک لاکھ تنخواہ والے سرکاری ملازمین کی تنخواہوں میں دس فیصد اور پینشنز میں بھی دس فیصد کا اضافہ کردیا گیا ہے اس کے علاوہ رمضان میں غریب عوام کو سستا آٹا بھی فراہم کیا جائے گا۔

لیپ ٹاپ دوبارہ تقسیم کیے جائیں گے

نومنتخب وزیراعظم شہباز شریف کا کہنا ہے کہ وہ تمام صوبوں کو ساتھ لے کر چلنا چاہتے ہیں اور بہت جلد بے نظیر کارڈ بھی شروع کیا جائے گا جس میں تعلیم کو بھی شامل کیا جائے گا اس کے علاوہ لیپ ٹاپ کی تقسیم بھی دوبارہ شروع کی جائے گی۔