یہ پاگل ہے، اوئے دیکھو یہ کہاں جا رہا ہے ۔ یہ الفاظ تھے ایک محفل میں بیٹھے ہوئے لوگوں کے جہاں ایک ذہنی توازن سے محروم شخص بھی آ کر بیٹھ گیا تو جب اس کے سامنے قاری صاحب نے تلاوت کرنا شروع کی تو وہ ان کے پاس جانے لگا جسے پہلے تو لوگوں نے روکا مگر قاری صاحب نے لوگوں سے کہا کہ آنے دو اسے۔
اور جب وہ ان کے پاس بیٹھ گیا اور دوبارہ سے تلاوت قرآن پاک سننے لگا تو بہت خوش ہو گیا۔ اس کے چہرے کے تاثرات سے اندازہ ہونے لگا کہ اسے بہت سکون مل رہا ہے۔ تھوڑی ہی دیر بعد اس نے تلاوت قرآن پاک پڑھتے ہوئے قاری صاحب کے ہاتھ کو پکڑ لیا جس کے بعد قاری صاحب نے اس کے کندھے پر بڑی شفقت سے ہاتھ رکھ لیا۔
اس کے علاوہ یہ بھی واضح رہے کہ یہ ایک مصری قاری جنہیں آج سے کچھ عرصہ پہلے پاکستان میں تلاوت قرآن پاک کیلئے مدعو کیا گیا تھا۔ان کی آواز بہت ہی پر سکون تھی جسے کوئی بھی سنتا تو وہ ان کی تلاوت کے سحر میں گم ہو جاتا۔ یہی وجہ ہے کہ یہ پاگل شخص بھی ان سے متاثر ہو کر ان کی جانب لپکا۔