میری دکان سے خریداری کریں اور مجھ سے بات کرنے کا موقع پائیں ۔۔ شاہد آفریدی کتنے جوڑے خریدنے والے مداح سے بات کریں گے؟

شاہد آفریدی سے ہر شخص ملنا اور بات کرنا چاہتا ہے یہی وجہ ہے کہ اب سابق کپتان شاہد آفریدی نے اپنے مداحوں کو خوشخبری دیتے ہوئے کہا ہے کہ جو بھی ان کی شاپ سے خریداری کرے گا وہ اس سے بات کریں گے۔ یہ بات انہوں نے اپنے آفیشل انسٹاگرام اکاؤنٹ پر ویڈیو شیئر کر کے کہی۔

اس پیغام میں ان کا کہنا تھا کہ جو کوئی بھی شاہد آفریدی شاپس سے 5 سوٹ عید کیلئے یا پھر اس کے بعد خریداری کر ے گا، میں اس سے ویڈیو کال پر بات کروں گا۔ یہی نہیں بلکہ مذکورہ شخص کے تمام گھر والوں سے بھی بات چیت کروں گا۔

واضح رہے کہ شاہد آفریدی عوام میں خوب مقبول ہیں اور یہ ان کی مقبولیت صرف پاکستان میں نہیں بلکہ دنیا کے کونے کونے میں ہے۔ اور اب انہوں نے رمضان المبارک کے مہینے میں اپنے چاہنے والوں کو ایک بڑا سرپرائز دیا ہے۔