ہر گھر میں عید کی آمد سے قبل صفائیاں کی جاتی ہیں۔ کوئی دیواریں رگڑتا ہے تو کوئی صوفوں کی پالش کرتا ہے۔ کچھ لوگ گھر کے کالے پنکھوں سے شرمندہ ہوتے ہیں کیونکہ یہ بیچارے صاف ہونے کا نام نہیں لیتے۔ ان پر داغ دھبے اور نشانات ہلکے ضرور ہو جاتے ہیں مگر ختم نہیں ہوتے ہیں۔ ایسے میں ٹوتھ پیسٹ کا استعمال بتائے گئے طریقے سے کریں اور پنکھوں کو عید سے قبل چمکائیں۔
٭ ٹوتھ پیسٹ کو ایک پیالے میں ڈالیں، اس میں برتن دھونے والا صابن اور 3 چمچ سرکہ ڈال کر اچھی طرح مکس کریں اور اس کو گندے پنکھوں پر لگا کر برش کی مدد سے رگڑیں۔ اس سے پنکھوں کے نشانات بھی ختم ہوں گے اور پرانا پنکھا نئے کی طرح چمک بھی جائے گا۔ اس ٹپ کے استعمال سے پنکھوں کا رنگ بھی خراب نہیں ہو گا۔
٭ ٹوتھ پیسٹ اور بیکنگ سوڈے کو اچھی طرح مکس کریں۔ اس کو پنکھے پر ٹوتھ برش کی مدد سے لگائیں اور رگڑیں۔ کیونکہ یہ دونوں اجزاء آپس میں مل کر جھاگ پیدا کرتے ہیں۔ یہ جھاگ کسی بھی چیز پر جمے ہوئے زنگ کو بھی صاف کر دیتے ہیں اور رنگ بھی خراب نہیں ہوتا۔
اس عید پنکھوں کی صفائی کا یہ نیا طریقہ آپ بھی اپنائیں اور گھر کو چمکائیں۔