کراچی شدید گرمی کی لپیٹ میں ہے۔ دن بھر لو، تپتی دھوپ اور گرم ہوائیں
چلتی ہیں اور سورج غروب ہونے کے بعد بھی گرمی کا راج ہے۔ ایسے میں محکمہ موسمیات کی جانب سے کراچی والوں کو ایک مرتبہ پھر خبردار کر دیا گیا ہے کیونکہ 18 مئی سے ہیٹ ویو دوبارہ شدید ہونے کا امکان ہے۔
آج
کراچی کا درجۂ حرارت 38 سے 40 ڈگری سینٹی گریڈ تک پہنچ سکتا ہے جبکہ شمال اور مغرب سے گرم اور خشک ہوائیں چلنے کا بھی امکان ہے۔
صوبہ سندھ کے دیگر شہروں جیکب آباد، سکھر، لاڑکانہ، خیرپور میں درجۂ حرارت 48 سے 50 ڈگری سینٹی گریڈ، جبکہ حیدرآباد، میرپور خاص، عمرکوٹ، سانگھڑ، تھرپارکر میں پارہ 44 سے 46 ڈگری سینٹی گریڈ، ٹھٹھہ اور بدین میں درجہٗ حرارت 40 سے 42 ڈگری سینٹی گریڈ تک جانے کا امکان ہے۔