ابھی قوم سانحہ مری کو بھولی نہیں تھی کہ ایک اور افسوسناک واقعہ مری کے قریب پیش آیا ہے جس میں 8 افراد انتقال گئے ہیں جبکہ کئی زخمی ہوئے ہیں۔ ہوا کچھ یوں کہ ایوبیہ سے آنے والی کوسٹر گلیات روڈ خیرہ گلی کے مقام پر گہری گھائی میں جا گری۔
ریسکیو حکام کے مطابق جیسے ہی واقعہ کی اطلاع ملی تو ہم فوراََ جائے وقوعہ پر پہنچ گئے اور امدادی سرگرمیاں شروع کر دیں لیکن اس خطرناک حادثے کے بعد اب مزید افراد کے اس دنیا سے رخصت ہونے کا خدشہ ہے۔
واضح رہے کہ تمام زخمیوں کو تحصیل ہیڈ کوارٹر اسپتال مری منتقل کیا گیا ہے جن میں سے بعض کی حالت تشویشناک ہے۔