شادی ہر لڑکی لڑکے کی زندگی کا سب سے خوبصورت اور اہم دن ہوتا ہے اس موقعے پر اگر لڑکی کا والد زندہ نہ ہو تو اس کیلئے یہ دن بھی غمگین بن جاتا ہے۔ یہی وجہ ہے کہ پنجاب پولیس کے شہید کانسٹیبل محمد ارشد کی بیٹی کی شادی تھی جس میں ڈی پی او گجرات عطاء الرحمان نے خصوصی شرکت کی اور نہ صرف شرکت کی بلکہ بارات کا استقبال خود کیا۔
دولہا دلہن کو پیار اور ڈھیر ساری دعائیں دیں، بیٹی کے بڑے دن پر اسے والد کی کمی محسوس نہ ہونے دی۔ مزید یہ کہ اس نئے جوڑے کو بہت سے تحفے تحائف بھی پیش کیے۔ مختصراََ یہ کہ ڈی پی او صاحب نے ہر طریقے سے اس دن کو یادگار بنانے کی کوشش کی ۔
واضح رہے کہ پنجاب پولیس کے آفیشل پیج پر شیئر کی جانے والی ان تصاویر میں دیکھا جا سکتا ہے کہ عطاء الرحمان صاحب نے دولہے کو گھڑی اور انگوٹھی پہنائئ، پھولوں کا گلدستہ بھی پیش کیا ۔