کراچی سے بھاگنے والی لڑکی دعا زہرہ کی حالیہ ویڈیو سوشل میڈیا پر خوب وائرل ہو رہی ہے جس میں وہ اپنے شوہر ظہیر کے ہمراہ سالگرہ مناتے ہوئے کیک کاٹ رہی ہے اور دونوں میاں بیوی ایک ساتھ خوش نظر آرہے ہیں۔ دونوں کو ایک ساتھ دیکھ کر یہ سوال کھڑا ہو رہا ہے کہ کیا واقعی یہ خوش ہیں یا پھر یہ ویڈیو زبردستی یہ دکھانے کے لیے بنوائی گئی ہے کہ دعا اپنے شوہر کے ساتھ خوش ہے۔
بہرحال ویڈیو میں ظہیر اور اس کے گھر والے بہت خوش نظر آرہے ہیں۔ واضح رہے کہ آج سے 2 دن قبل نکاح خواں کو گرفتار کیا گیا تھا اور یہ کہا گیا تھا کہ نکاح جھوٹا ہے۔ ساتھ ہی دعا کے والد نے یہ اظہار کیا کہ بیٹی مشکل میں ہے، اس کو پھنسایا جا رہا ہے۔
اس کیس میں فی الحال کوئی بھی بات حتمی طور پر نہیں کہی جا سکتی کیونکہ مزید تفتیش جاری ہے اور امید ظاہر کی جارہی ہے کہ جلد از جلد اس کیس کے تمام پہلوؤں کو حل کیا جائے گا اور مجرموں کو سزا دی جائے گی۔