لاہور پولیس نے تحریکِ انصاف کی دو خواتین رہنماؤں عندلیپ عباس اور ڈاکٹر یاسمین کو گرفتار کر کے آدھے گھنٹے بعد رہا کردیا۔ اس سے قبل بزرگ سیاسی رہنما ڈاکٹر یاسمین راشد پر پولیس نے دھاوا بول کر ان کی گاڑی پر لاٹھیاں بھی برسائی تھیں اور شیشے بھی توڑ دیئے تھے۔

ڈاکٹر یاسمین راشد پولیس کے حصار کے باوجود گاڑی لے گئیں

جنگ نیوز کے مطابق پولیس نے ڈاکٹر یاسمین کی گاڑی روکنے کے لئے ان کی ونڈ اسکرین توڑ دی البتہ ڈاکٹر یاسمین راشد پولیس کا حصار توڑتے ہوئے گاڑی نکال کر لے گئیں۔ اسلام آباد میں دفعہ 144 کے نفاذ کی وجہ سے جلسے اور اس میں شرکت پر پابندی ہے اس لئے جو سیاسی کارکنان جلسوں میں شریک ہورہے ہیں پولیس انھیں گرفتار کررہی ہے البتہ ڈاکٹر یاسمین اور عندلیب عباس کو گرفتاری کے آدھے گھنٹے بعد پولیس نے رہا کردیا۔