دنیا میں حیرت انگیز خبریں تو بہت ہیں جو کہ صارفین کی توجہ حاصل کر لیتی ہیں، مگر کچھ ایسی ہوتی ہیں جن کے بارے میں صارفین بھی جاننا چاہتے ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
چینی خلائی مشن کے دوران کچھ ایسے مناظر چاند پر دیکھے گئے جس نے ابتدائی طور پر سب کو حیرت میں مبتلا کر دیا، کیونکہ عام طور پر سب کا خیال بھی ہے اور ماننا بھی کہ چاند پر کسی جاندار کی موجودگی کے آثار نہیں ملے ہیں۔
لیکن چینی خلائی مشن جب چاند کے اس تاریکی حصے کی طرف بڑھا جہاں دنیا کا پہلا خلائی مشن ہوا تھا۔ اس حصے میں کامیابی کا آغاز 2019 میں ہوا تھا۔
لیکن اسی مشن کے یوٹو 2 نامی روور نے 2020 میں ایک ایسی تصویر کھینچی تھی، جس نے سوشل میڈیا پر صارفین کی توجہ حاصل کی، دراصل چاند پر موجود ایک چھوٹے سے کمرے نما گھر نے چاند پر زندگی کے ہونے کی امید پیدا کر دی تھی۔
لوگ یہ بھی سوچ رہے تھے کہ واقعی چاند پر بوڑھی اماں رہتی ہوں گی، اور یہ کمرہ انہی کا ہوگا، عام طور پر ہمیں بچپن میں یہی کہا جاتا ہے کہ چاند پر بوڑھی اماں رہتی ہیں جو کپڑے بُنتی رہتی ہیں۔
لیکن اب 2022 میں اسی چینی خلائی مشن نے اس تصویر کے راز سے بھی پردہ اٹھا دیا ہے، یعنی خود کشمکش میں مبتلا کیا اور اب خود ہی راز سے پردہ بھی اٹھا دیا۔ دراصل یہ کمرہ نما گھر ایک چٹان ہے جس کی بناوٹ کیوب جیسی ہے۔
بناوٹ میں کمرے کی طرح نظر آنے والا یہ پتھر گڑھے کے پاس موجود ہے، جس سے شک میں مزید اضافہ ہو رہا تھا، مگر اب باقاعدہ طور پر کہا جا رہا ہے کہ یہ ایک پتھر ہے۔