جون کی گرمی نے جہاں شہریوں کے پسینےنکال دیے ہیں وہیں محکمہ موسمیات کی جانب سے بارش کے حوالے سے شہر قائد کے باسیوں کو اچھی خبر سنادی گئی ہے۔
تفصیلات کے مطابق محکمہ موسمیات نے کراچی میں آئندہ ماہ جولائی، اگست ستمبر میں مون سون بارشوں کی پیشگوئی کی ہے۔
محکمہ موسمیات نے یہ بھی بتایا ہے کہ اس مرتبہ سندھ اور پنجاب میں بارشیں معمول سے زیادہ ہونے کا امکان ہے۔
مون سون برسات کا پہلا سسٹم یکم جولائی سے اگست کے وسط تک اور آخری مرحلے کا، دورانیہ اگست کے وسط سے ستمبر کے آخر تک جاری رہنے کی توقع ظاہر کی ہے۔
محکمہ موسمیات کے مطابق بارشوں پاکستان بھر میں 18.40 ملی میٹر بارش کا امکان ہے۔ ساتھ ہی آگے آنے والے مہینوں میں بارش سے متعلق کہا جا رہا ہے کہ سندھ، پنجاب، خیبرپختونخواہ اور آزاد کشمیر میں اربن فلڈنگ کا بھی خدشہ ہے اور اس دوران سیلابی صورتحال کا بھی سامنا کرنا پڑ سکتا ہے۔