پاکستان میک مشہور شخصیت اور ایم این اے عام لیاقت حسین آج اچانک لاکھوں مداحوں کو افسردہ کر کے جہان فانی سے کوچ کر گئے، جہاں ان کے چاہنے والے اداس ہیں وہیں ان کے طوبٰی اور بشریٰ اقبال بھی سابق شوہر کے دیدار کے لیے پہنچی۔
اب خبر سامنے آ رہی ہے کہ عامر لیاقت حسین کی تدفین عبداللہ شاہ غازی کے مزار کے احاطے میں کی جائے گی۔
والدین کے قریب رہنے والے اور ان کی آنکھ کا تارا عامر لیاقت حسین آج والدین کے پاس چلے گئے ہیں، اکثر و بیشتر ان کی باتوں سے اندازہ ہوتا تھا کہ جیسے وہ مرنے کے بعد بھی والدین کے قریب رہنا چاہتے ہیں۔
یہی وجہ ہے کہ انہوں نے اپنی قبر پہلے سے رقم کے عوض مختص کرا لی تھی، عامر لیاقت حسین کو والدین کے پہلو میں دفن کیا جائے گا۔
ویڈیو مناظر میں دیکھا جا سکتا ہے کہ قبر تیار کرنے کے لیے گورکن مشین کی مدد سے زمین کو توڑ رہا ہے، جبکہ قبر کی مٹی اور پتھر اس حد تک سخت ہے کہ الیکٹرانک مشین کا سہارا لیا جا رہا ہے۔