گرمی میں اے سی سے ٹھنڈا ہوتے کمرے کی اہمیت سے کون انکار کرسکتا ہے مگر یہ کولنگ بار بار کمرے کا دروازہ کھلنے کی وجہ سے ختم ہوجاتی ہے۔ خاص طور پر اگر گھر میں بچے ہوں تو وہ بار بار باہر جانے کی کوشش کرتے ہیں جس کے نتیجے میں دروازہ کھولنے اور بند کرنے کی مشقت علیحدہ کرنی پڑتی ہے۔ آج ہم آپ کو اس مصیبت سے بچنے کے چند آسان حل بتا رہے ہیں۔

پی وی سی پردے

یہ پردے کھلی جگہ پر اے سی کی کولنگ برقرار رکھنے کا بہترین ذریعہ ہیں۔ پی وی سی پردے نہ صرف باہر سے آنے والے شور سے نجات دیتے ہیں بلکہ دھول، مٹی، مکھی اور مچھر کو بھی اندر نہیں داخل ہونے دیتے اور ان کا سب سے بڑا فائدہ یہ ہے کہ بغیر دروازہ بند کیے بھی یہ اے سی کہ ٹھنڈک برقرار رکھتے ہیں۔

دروازے کے نیچے کپڑا لگا دیں

اگر آپ کو فوری طور پر اے سی کی کولنگ روکنی ہے تو دروازہ بند کر کے اس کے نیچے کوئی پرانی چادر اس طرح لگا دیں کے نیچے کا کھلا حصہ مکمل طور پر بند ہوجائے۔ اس طرح لائٹ جانے یا اے سی بند ہوجانے کے بعد بھی کمرہ دیر تک ٹھنڈا رہے گا۔

کمرے کی کھڑکیاں اور دروازے کے سوراخ

کھڑکیوں کو مکمل بند رکھیں اس کے علاوہ دروازے میں موجود لاک کے سوراخ وغیرہ کو بھی کپڑے کی مدد سے بند کردیں تاکہ آپ کا کمرہ دیر تک اچھی طرح ٹھنڈا رہے.