کیا آپ کو بہت زیادہ غصہ آتا ہے لیکن دل سے بہت نرم ہیں؟ یا پھر آپ بہت تنہائی پسند ہیں؟ ماہرین کا کہنا ہے کہ ان سب باتوں کا تعلق آپ کے پیدائش کے مہینے سے ہوسکتا ہے۔ آئیے جانتے ہیں کہ آپ کی پیدائش کا مہینہ آپ کے بارے میں کیا بتاتا ہے

جنوری میں پیدا ہونے والے

اس مہینے میں پیدا ہونے والے افراد مضبوط شخصیت کے مالک ہوتے ہیں ان کے اندر لیڈر شپ کی خصوصیات موجود ہوتی ہیں البتہ جہاں یہ اپنی باتیں ڈنکے کی چوٹ پر کہنے کے عادی ہوتے ہیں وہیں دوسروں کی باتیں سننے کا حوصلہ نہیں رکھتے

رحم دل لوگ فروری میں پیدا ہوتے ہیں

فروری میں پیدا ہونے افراد کی سب سے بڑی خاصیت ان کی رحم دلی ہے۔ یہ اب کا خیال رکھنا چاہتے ہیں لیکن جب ان کو بہت برا سلوک سہنا پڑے تو ان میں تلخی بھی آجاتی ہے۔

خوش قسمت

مارچ میں پیدا ہونے والوں کو خوش قسمت سمجھا جاتا ہے۔ ان میں پیسہ کمانے کی اہلیت موجود ہوتی ہے مگر بدقسمتی سے یہ پیسہ لٹانے کے بھی اتنے ہی ماہر ہوتے ہیں۔ اکثر بے وفا بھی ہوتے ہیں لیکن اگر انھیں کسی سے محبت ہوجائے تو ساری عمر وفا کرتے ہیں۔

ذہین، پیار کرنے والے اور پر کشش

اپریل میں پیدا ہونے والے افراد پرکشش، ذہین، پیار کرنے والے اور جذباتی ہوتے ہیں۔ ان کو اکثر سر اور دل کی بیماریاں جکڑ لیتی ہیں۔

دماغ سے فیصلہ کرنے والے

مئی کے مہینے میں پیدا ہونے والے افراد فیصلے کرتے ہوئے اپنے دماغ کی سنتے ہیں۔ دوستوں کا بہت احترام کرتے ہیں اور ان میں اکثریت آرٹسٹ ہوتی ہے۔

خوش گفتار اور مزاحیہ

خوش گفتار، نرم خو اور پر مزاح گفتگو کرنا جون میں پیدا ہونے والے افراد کا خاصہ ہوتا ہے۔ یہ ذہین اور منفرد خیالات سے بھرپور ہوتے ہیں۔ اچھے کپڑے پہننے کے شوقین اور مہنگے برانڈز پسند کرتے ہیں۔

خاندان کے لئے کسی بھی حد تک جانے والے

خاندان اور دوستوں کے تحفظ کے لئے ہر حد تک چلے جانے والے افراد جولائی میں پیدا ہوتے ہیں۔ لیکن اپنی ذاتی زندگی اور عادات میں ان کو کسی کی بھی رخنہ اندازی برداشت نہیں ہوتی۔

حسد کا شکار

اگست میں پیدا ہونے والے لوگ اکثر منفی جذبات کا شکار رہتے ہیں۔ دوسروں سے مقابلہ اور حسد کرتے ہیں، گھمنڈی اور خود پسند ہوتے ہیں

روحانیت پسند

ستمبر میں پیدا ہونے والے لوگ روحانیت کی طرف رجحان رکھتے ہیں۔ ذہین اور خود اعتماد ہوتے ہیں لیکن اپنی بات کا اظہار نہ کرنے کی وجہ سے ذہنی تناؤ کا شکار رہتے ہیں۔

دوست بنانے والے

مارچ کی طرح اکتوبر میں پیدا ہونے والے افراد بھی کافی خوش قسمت ہوتے ہیں اور جو ٹھان لیں اسے پورا کر کے رہتے ہیں۔ اپنی رائے رکھتے ہیں اور اس بات کی پرواہ نہیں کرتے کہ دوسرا ان کے بارے میں کیا سوچ رہا ہے۔ بہت آسانی سے دوست بنا لیتے ہیں۔

حساس

نومبر میں پیدا ہونے والے لوگ بہت زیادہ حساس اور ذہین ہوتے ہیں لیکن ان کی حساسیت اکثر ذہنی تناؤ سے بھی دوچار کردیتی ہے۔ اگر یہ اپنی خامیوں پر قابو پالیں تو دوسروں کے لئے مثال بن جاتے ہیں۔

فلسفی

دسمبر میں پیدا ہونے والے لوگ فلسفیانہ خیالات رکھتے ہیں۔ اکثر اپنی ذمہ داریوں سے منہ موڑ کر اپنی ذات میں مگن رہتے ہیں۔