کراچی میں گذشتہ کئی ماہ سے شدید گرمی نے سر اٹھائے رکھا ہے اور اب لوگوں نے بارش کی دعائیں کرنی شروع کردی ہیں۔
وہیں گرمی کے باعث بجلی کی لوڈ شیڈنگ نے شہریوں کا جینا محال کر دیا ہے۔ لیکن اب کراچی کی باسیوں کے لیے بارش کی خوشخبری کی نوید سنائی گئی ہے۔
تفصیلات کے مطابق محکمہ موسمیات کی جانب سے شہرقائد میں بارش کے پہلے اسپیل کی پیش گوئی کی گئی ہے۔ بارش کی انٹری نے 22 جون سے متوقع ہے جبکہ صبح اور رات کے اوقات میں بوندا باندی کا امکان ہے۔
کراچی میں اس وقت جنوب مغریب کی جانب سے 18 کلومیٹر فی گھنٹہ کی رفتار سے ہوا چل رہی ہے جس کی وجہ سے شہر کا درجہ حرارت 29 ڈگری سینٹی گریڈ رہنے کا امکان ہے۔
میٹرولوجسٹ ڈیپارٹمنٹ کا کہنا ہے کہ شہر کا موجودہ درجہ حرارت 31 ڈگری سینٹی گریڈ ہے اور آئندہ 24 گھنٹوں کے دوران موسم گرم اور مرطوب رہے گا۔