ڈرامہ انڈسٹری کے مشہور سینئر اداکار محمود اختر اِن دنوں علیل ہیں جن کی صحتیابی کے لیےسوشل میڈیا پر اپیل کی گئی ہے۔
محمود اختر کی صحت کے حوالے سے معروف اداکار نبیل ظفر نے انسٹاگرام اکاؤنٹ پر پوسٹ شئیر کی۔
نبیل ظفر نے محمود اختر کے ساتھ شوبز کے سینئر اداکار تنویر جمال کی تصویر کولاج بنا کر شئیر کی ہے۔
اُنہوں نے اپنی پوسٹ کے کیپشن میں لکھا کہ اللّہ تعالیٰ! آپ دونوں اداکاروں کو مکمل صحتیابی اور لمبی زندگی عطا کرے، آمین۔
اداکار محمود اختر کے حوالے سے ابھی یہ واضح نہیں ہوسکا کہ انہیں کونسی بیماری ہوئی اور نہ ان کے گھر والوں کی طرف سے کوئی بیان سامنے آیا ہے۔