ملک بھر میں مون سون بارشوں کا سلسلہ جاری ہے، کہیں یہ بارش رحمت بن رہی ہے تو کہیں زحمت بنکر عوام کی مشکلات میں مزید اضافہ کر رہی ہے۔
ہماری ویب ڈاٹ کام کی اس خبر میں آپ کو ایک ایسے ہی واقعے سے متعلق بتائیں گے۔
بلوچستان کے شہر کوئٹہ میں ان دنوں میں شدید طوفانی بارشیں جاری ہیں۔ بارشوں سے جہاں عام انسان متاثر ہو رہے ہیں وہیں مویشی منڈی بھی متاثر ہوئی ہے۔
سوشل میڈیا پر ایک ویڈیو کافی وائرل ہے جس میں قربانی کے جانور بھی متاثر ہوئے ہیں۔
ویڈیو میں دیکھا جا سکتا ہے کہ بیوپاری کے آہ و زار کی آوازیں آ رہی ہے جبکہ جانور بھی سیلابی ریلے میں موجود ہیں اور چیخ رہے ہیں۔ سوشل میڈیا ذرائع کے مطابق مشرقی بائی پاس پر موجود منڈی میں سیلابی صورتحال سے مویشی منڈی میں موجود جانور کو بھی شدید نقصان پہنچا ہے جبکہ بیوپاریوں کو بھی مالی نقصان ہوا ہے۔