شہر کراچی میں اس وقت اگر چہ بادلوں کا راج تو ہے مگر پچھلے دو دنوں سے ہونے والی ہلکی بوندا باندی نے حبس اور گرمی کی شدت کو اور بڑھا دیا ہے۔ مگر محکمہ موسمیات نے گرمی سے بلکتے کراچی کے شہریوں کو خوشخبری سنادی ہے۔ اطلاعات کے مطابق آج شہر بھر میں تیز بارش کا امکان ہے۔
بارش کا سلسلہ بکرا عید تک جاری رہ سکتا ہے
جنگ نیوز کے مطابق شمال مشرق کی جانب سے چلنے قالی ہواؤں میں نمی کا تناسب 89 فیصد ہے جبکہ مون سون کا رخ بھی سندھ اور بلوچستان کی طرف ہے جس کی وجہ سے بکرا عید تک بارش کا سلسلہ جاری رہ سکتا ہے۔
شہر کا درجہ حرارت
محکمہ موسمیات کے مطابق شہر کا درجہ حرارت 32 سے 34 ڈگری تک رہنے کا امکان ہے۔