عمران خان کے جلسوں میں لوگوں کو مفت تفریح ملتی ہے، یہ الفاظ ہیں وزیر اعلیٰ سندہ مراد علی شاہ کے۔
انہوں نے صوبے میں انسداد پولیو مہم کے افتتاح کے موقعے پر میڈیا سے کہا کہ عمران خان اور ان کی پارٹی لوگوں کی تفریح کیلئے میلہ لگاتی ہیں اور ان کی باتوں پر ہنسا ہی جا سکتا ہے۔ یہی نہیں اہوں نے یہ کہا کہ پاکستان کو 75 سال پہلے آزادی مل گئی تھی تو عمران خان اب کونسی آزادی کی بات کر رہے ہیں۔
اس کے علاوہ انہوں نے وزیر صحت کے ہمراہ بچوں کو پولیو کی خوارک پلا کر مہم کا آغاز کرتے ہوئے کہا کہ ہماری کوشش ہے کہ پولیو سے جلد چھٹکارا حاصل کریں۔
آخر میں انہوں نے یہ بات بھی کہہ ڈالی کہ جناح اسپتال کے اطراف میں ڈرینیج کا مناسب نظام نہیں۔