صدیوں پہلے غاروں میں رہنے والے انسان اب آرام دہ،خوبصورت اور محفوظ گھروں میں رہتے ہیں۔ اتنا ہی نہیں بلکہ گھروں کو کسی پریشانی اور مصیبت سے سے بچنے کے مسلسل نت نئے طریقوں سے ڈیزائن کیا جاتا ہے۔ ایسا ہی ایک طریقہ امریکہ میں بہت عام ہے جس کے تحت باورچی خانے کا واش بیسن ہمیشہ کھڑکی کے پاس رکھا جاتا ہے۔ ایسا کیوں ہے؟ آئیے جانتے ہیں

چھوٹا پائپ لگانا پڑتا ہے

چونکہ کھڑکی باہر کی دیوار پر ہوتی ہے اس لئے اس دیوار کے ساتھ پلمبنگ کے لیے زیادہ بڑا پائپ استعمال نہیں کرنا پڑتا۔ یہ طریقہ سستا پڑتا ہے۔

کسی خرابی کی صورت میں کم نقصان ہوتا ہے

بیسن کی نالی میں کچھ پھنس جانے کی صورت میں اگر کچھ توڑنا پڑے تو گھر کے اندرونی حصے میں کم سے کم نقصان ہوتا ہے۔

ناگوار بو نہیں ٹہرتی

بیسن کے اندر گندے برتن رکھ کر دھونے سے ناگوار بو پیدا ہوجاتی ہے لیکن سامنے کھڑکی کی موجودگی سے وینٹیلیشن مل جاتی ہے اور بو اندر نہیں ٹہرتی