کوئی بھی عجیب نوعیت کا واقعہ ہو تو معلوم ہوجاتا ہے کہ وہ بھارت میں پیش آیا ہے۔ جیسا کہ اس واقعے نے لوگوں کو ہنسنے پر مجبور کردیا۔
بھارت سے مذکورہ ویڈیو وائرل ہوئی جس میں پولیس نے نوجوانوں کو پکڑ کے انوکھی سزا دی جس کی ویڈیو سوشل میڈیا پر ہر جانب وائرل ہو رہی ہے۔
بھارتی میڈیا کے مطابق ریاست مدھیا پردیس میں چند نوجوان باجے بجا کر لوگوں کو پریشان کر رہے تھے تو پولیس نے باجا بجانے والے ان نوجوانوں کو پکڑلیا اور راہ گیروں سے انہی کے کان میں باجا بجوانا شروع کر دیا۔
سوشل میڈیا پر سامنے آنی والی ویڈیو میں دیکھا جاسکتا ہے کہ پولیس اہلکار خود بھی نوجوانوں کے کان باجا بجا کر انہیں سزا دینے میں مصروف ہیں اور ان کو سڑک پر اُٹّھک بیٹھک کی سزا بھی کرواتے ہیں۔
باجا بجانے والے نوجوانوں سے پولیس اہلکاروں نے کہا کہ سزا کے طور پر وہ خود بھی اپنے ساتھیوں کے کان میں باجا بجائیں تاکہ ان کو پتا لگے کہ اس کی آواز سے لوگوں کو کتنی تکلیف پہنچتی ہے۔
پولیس نے نوجوانوں سے باجے چھین کر اپنی تحویل میں لے لیے تاکہ آئندہ وہ اس شرارت سے گریز کریں۔