اب تاج محل بھی بجلی کا بل بھرے گا۔۔ تاریخ میں پہلی بار محل کو بجلی کا بل بھیج دیا گیا، وجہ کیا سامنے آئی؟

عام طور پر تاریخی عمارتیں بجلی اور پانی کے بلوں مستثنیٰ ہوتی ہیں لیکن دنیا بھر میں محبت کی علامت کے طور پر مانے جانے والے تاج محل کے ساتھ ایسا حیران کن واقعہ پیش آیا ہے جس نے سننے والوں کو حیران کردیا ہے۔

بھارتی میڈیا کے مطابق دنیا کے چھٹے عجوبے تاج محل کو 374 برس بعد بجلی اور پانی کا بل بھیجا گیا ہے۔ اس میں بجلی کا بل 40 لاکھ اور پانی کا بل ایک کروڑ ہے۔ اتنا ہی نہیں بلکہ مغل دور کی یادگار لال قلعہ کو بھی پراپرٹی ٹیکس کی مد میں ٥ کروڑ روپے ادا کرنے کا حکم دیا گیا ہے جبکہ آرکیالوجی سروے آف انڈیا کے افسر کے مطابق ان عمارتوں میں پانی کے کنکشنز ہی نہیں ہیں۔

آرکیالوجی سروے آف انڈیا کے افسر ڈاکٹرراج کمار پٹیل کہتے ہیں کہ ان عمارتوں کو بل غلطی سے بھیجے گئے ہیں اور یہ تمام تاریخی عمارتیں ٹیکس سے آذاد ہیں۔