پاکستان کے شہر پشاور میں نامعلوم افراد کی فائرنگ سے ایک سکھ دُکاندار ہلاک ہوگیا ہے۔
پولیس کے مطابق جمعے کو نامعلوم موٹر سائیکل سواروں نے پشاور کے علاقے دیر کالونی میں سکھ دُکاندار دیال سنگھ کو نشانہ بنایا۔ابتدائی تفتیش کے بعد پولیس نے اپنے بیان میں مزید کہا کہ دیال سنگھ کو نشانہ بنانے کے بعد حملہ آور فرار ہونے میں کامیاب ہوگئے ہیں۔خیال رہے پچھلے سال مئی کے مہینے میں بھی پشاور کے علاقے سربند کے بٹہ تل بازار میں نامعلوم مسلح افراد نے دو سکھ شہریوں کو قتل کردیا تھا۔اس حملے کی ذمہ داری کالعدم تنظیم داعش نے قبول کی تھی۔