تحریک انصاف کی رہنما ڈاکٹر یاسمین راشد نے گزشتہ روز پریس کانفرنس کے دوران کہا کہ لوگ آج آٹے کے حصول کے لئے لائنوں میں جانیں دے رہے ہیں۔
ان کی پریس کانفرنس کے دوران محمود الرشید بھی ہمراہ تھے، ڈاکٹر یاسمین راشد نے کہا کہ اگر بل ہمارے گھروں میں آسکتے ہیں تو آٹے کی بوری بھی گھروں میں آ سکتی ہے۔
انہوں نے کہا کہ پاکستان کے حالات خراب ہیں، آٹا حاصل کرنے کے لئے لوگ خوار ہو رہے ہیں، ان کا کہنا تھا کہ لوگوں کی تذلیل کئے بغیر ان کی مدد کی جائے۔