سابق بھارتی کرکٹر و کوچ پراوین ہنگنیکر کی گاڑی کو حادثہ پیش آیا جس میں سابق کرکٹر زخمی اور ان کی اہلیہ موقع پر ہی ہلاک ہو گئیں۔
بھارتی میڈیا کے مطابق سابق بھارتی کرکٹر اپنی اہلیہ کے ساتھ شہر پونے میں اپنے بیٹے سے ملنے جا رہے تھے کہ ریاست مارشٹر کے ضلع بلڈھانہ کے سمردھی ایکسپریس وے پر ان کی گاڑی حادثے کا شکار ہو گئی۔
میڈیا رپورٹس کے مطابق سابق کرکٹر اپنی اہلیہ کے ساتھ سمردھی ایکسپریس وے پر سفر کر رہے تھے کہ اس دوران ان کی گاڑی کو حادثہ پیش آیا جس میں کرکٹر کو چوٹیں آئیں جبکہ ان کی اہلیہ موقع پر ہی ہلاک ہوگئیں۔