کچھ لوگوں کو فالسے اپنے کھٹے میٹھے کے ذائقے کی وجہ سے بہت پسند ہوتے ہیں لیکن وہ اس کے بیجوں کو منہ سے نکال کر پھینک دیتے ہیں۔ جبکہ فالسے کے بیج بھی انتہائی فائدہ مند ہوتے ہیں۔ ان میں آپ کی صحت کے لئے کون سے خزانے چھپے ہیں؟ آئیے جانتے ہیں۔

فالسے کی غذائی اہمیت

فالسے کے بیج کئی اہم غذائی اجزاء کا ایک اچھا ذریعہ ہیں۔ 100 گرام فالسے میں کیلوریز 136، پروٹین 3 گرام، چکنائی 2 گرام، کاربوہائیڈریٹ 29 گرام، فائبر 8 گرام، چینی 0 گرام، کیلشیم 170 ملی گرام، آئرن 1.8 ملی گرام، میگنیشیم 54 ملی گرام، فاسفورس 70 ملی گرام، پوٹاشیم 550 ملی گرام اور وٹامن سی 40 ملی گرام پایا جاتا ہے۔

اینٹی آکسیڈنٹس سے بھرپور:

فالسہ پھلوں کے بیجوں میں اینٹی آکسیڈنٹس زیادہ ہوتے ہیں، جو آپ کے خلیات کو فری ریڈیکلز کی وجہ سے ہونے والے نقصان سے بچانے میں مدد دیتے ہیں۔ اینٹی آکسیڈنٹس مجموعی صحت کے لیے اہم ہیں اور دائمی بیماریوں کے خطرے کو کم کر سکتے ہیں۔

ہاضمے کو بہتر بناتا ہے:

فالسے کے بیجوں میں فائبر ہوتا ہے، جو ہاضمے کو بہتر بنانے اور قبض کو روکنے میں مدد دیتا ہے۔

قوت مدافعت کو بڑھاتا ہے

ان بیجوں وٹامن سیکی بڑی مقدار پائی جاتی ہے۔ جو مدافعتی نظام کے لیے ایک اہم غذا ہے۔ وٹامن سی انفیکشن سے بچانے میں مدد کر سکتا ہے اور سردی اور فلو کی علامات کی شدت کو کم کر سکتا ہے۔

بلڈ شوگر کو کنٹرول کرنے میں مدد مل سکتی ہے

فالسے کے بیج زیادہ فائبر کی وجہ سے بلڈ شوگر کی سطح کو کنٹرول کرنے میں مدد کر سکتے ہیں۔ جو خون میں شوگر کے بڑھنے اور کم ہونے کو روک سکتا ہے۔

سوزش کی خصوصیات کم کرتا ہے

فالسے کے بیجوں میں ایسے مرکبات ہوتے ہیں جن میں سوزش کم کرنے کی خصوصیات ہوتی ہیں، جو جسم میں سوزش کو کم کرنے اور دائمی بیماریوں سے بچنے میں مدد فراہم کرسکتی ہیں۔