پی ٹی آئی سے پہلے اتنی بڑی کوئی جماعت نہیں آئی، فواد چوہدری

پی ٹی آئی رہنما فواد چوہدری نے کہا ہے کہ عمران خان پر حملہ ہوا تو ایف آر درج کرنے کی کوشش کی گئی مگر حملے کی ایف آر درج نہیں ہوئی۔

ہم نیوز کے پروگرام بڑی بات میں گفتگو کرتے ہوئے انہوں نے کہا کہ قانونی راستہ اختیار کرنے کا کہا جا رہا ہے تو یہ مثبت بات ہے ۔

عمران خان پر حملےکی شفاف تحقیقات ہونی چاہیئں، ہم تو کہہ رہے ہیں قانونی کارروائی ضرور ہونی چاہیے ، حملے کا معاملہ سپریم کورٹ میں چل رہا ہے ،قانونی کارروائی کہیں سے بھی شروع کی جاسکتی ہے ۔

الیکشن کیلئے سپریم کورٹ کے فیصلے پر عملدرآمد ہونا ہے ، عمران خان پر 150کیسز کئے گئے ہیں ، ہمارے کارکنوں کو جیلوں میں ڈالا گیا ہے ،اگر جوڈیشری ہماری سہولت کاری کر رہی ہوتی تو ہمارے ساتھ یہ سب نہ ہوتا۔

اگر آئین و قانون ختم ہو جاتا ہے تو سڑکوں کے علاوہ کوئی راستہ نہیں ،پی ٹی آئی سے پہلے اتنی بڑی کوئی جماعت نہیں آئی ، یہ پرامن تحریک عمران خان کی وجہ سے چل رہی ہے ۔

وزیراعلیٰ پنجاب بارے کوئی فیصلہ ہوایا نہیں؟ فواد چوہدری نے بتا دیا

اگر عمران خان کو گرفتار کیا گیا تو ایسی تحریک چلے گی جس کا کوئی لیڈر نہیں ہوگا ،اگر الیکشن ہو جائیں گے تو کمپین ہو گی ، نہیں تو انقلابی تحریک ہو گی ۔