وفاقی حکومت نے ملک بھر میں ممکنہ طور پر انتخابات سے قبل عوام کو بڑا ریلیف دینے کا فیصلہ کرلیا ہے۔
نجی ٹی وی کے مطابق پٹرول، ڈیزل کی قیمت میں کمی کا منصوبہ تیارکر لیا گیا ہے، سرکاری ملازمین کی تنخواہوں میں 50فیصد اور پنشن میں 30فیصد اضافہ کیا جائے گا۔
مزدوروں کی کم از کم اجرت 40ہزارماہانہ کی جائے گی، جون کے دوسرے ہفتے میں وزیر خزانہ اسحاق ڈارنے قومی اسمبلی میں بجٹ پیش کرنے منصوبہ بنا لیا ہے، وزیراعظم اور اتحادیوں کی مشاورت سے حتمی فیصلہ کیا جائے گا۔
نئے بجٹ کی تیاری میں آئی ایم ایف کے خدشات بھی مدنظر رکھے جائیں گے،اتحادی جماعتوں کے ساتھ ترقیاتی فنڈز پر بھی اہم فیصلے کیے جائیں گے۔