زندگی موت اللہ پاک کے ہاتھ میں ہے لیکن اپنا جب کوئی اس دنیا سے جاتا ہے تو انسان کی زندگی کا سکون برباد ہو جاتا ہے، اسے کچھ سمجھ نہیں آتا کہ اب کہاں جاؤں۔
اور پھر اگر آپ کی والدہ آپ کو ہمیشہ ہمیشہ چھوڑ کر چلی جائے تو انسان بکھر جاتا ہے، اسے معلوم ہوتا ہے کہ اب اس دنیا میں ایسا کوئی نہیں جس کی گود میں سر رکھ کر وہ جنت کی ہوا کو محسوس کر سکے۔
بالکل ایسا ہی خواتین کی قومی کرکٹ ٹیم کی کپتان نڈا ڈار کے ساتھ بھی ہوا، آج ان کی والدہ کا انتقال ہو گیا۔ خاندانی زرائع کے مطابق وہ گزشتہ چند دنوں سے کافی علیل تھیں اور ان کی نماز جنازہ بعد نماز عصر ادا کی جائے گی۔
خیال رہے کہ ندا ڈار کو بسمہ معروف کے قومی ٹیم کی کپتانی سے دستبردار ہونے کے بعد نجم سیٹھی نے خواتین کرکٹ کی کپتان کا بڑا اعزاز ندا ڈار کو دیا تھا۔