آج کل چھت والا پنکھا کھولو تو پنکھا چھت کے اوپر کی ساری گرمی کھینچ کر گرم ہوا نیچے پھینک دیتا ہے۔ ایسے میں مڈل کلاس طبقے سے تعلق رکھنے والے شدید پریشان ہیں کہ آخر ایسا کیا کریں کہ کم پیسوں میں ہی کمرہ بھی ٹھنڈا رہے اور بجلی کا بل بھی زیادہ نہ آئے تو آج ہم اس کا ایک آسان طریقہ بتارہے ہیں۔
پیڈسٹل فین تو تقریباً ہر گھر میں ہوتا ہے۔ اب آپ کو صرف دو پرانی خالی پلاسٹک کی بوتلیں چاہئیں جن کے درمیانی حصے میں آپ کوئی بھی سلاخ گرم کر کے چھوٹے چھوٹے سوراخ کرلیں۔ بوتل کے نیچے والا حصہ کاٹ لیں لیکن پورا نہ کاٹیں اور بوتل میں ڈھکن لگا کر ٹائٹ کردیں۔
اب ویڈیو میں بتائے گئے طریقے کے مطابق کسی تار کو بوتل کے درمیان سوراخوں سے گزار کر پنکھے سے باندھ لیں۔ اب برف لے دو بڑے ٹکڑے بوتلوں میں رکھ کر پنکھا چلا دیں۔
آپ کے پیڈسٹل فین سے برف کی وجہ سے اے سی جیسی ہوا آئے گی۔ لیکن اس دوران پنکھے کو ہر گز نہ چھوئیں کیونکہ کرنٹ آنے کا خطرہ ہوسکتا ہے۔ بچوں کو بھی پنکھے سے دور رکھیں اور اگر پنکھے کا رخ تبدیل کرنا ہو تو پہلے پنکھا بند کر کے اور تار نکال کر یہ عمل کریں۔
اگر آپ کے گھر میں پیڈسٹل فین نہیں ہے تو چھت والے پنکھے کے نیچے ہی پیالے میں برف رکھ دیں۔ کچھ ہی دیر میں کمرہ ٹھنڈا ہوجائے گا۔