آپ نے اکثر ہی شادی بیاہ یا پارک میں محسوس کیا ہوگا کہ وہ جوڑے جو ذرا بڑی عمر کے ہوں ان کی شکلیں ایک دوسرے سے ملتی ہوئی لگنے لگتی ہیں۔ کیا واقعی ساتھ رہتے رہتے میاں بیوی ہم شکل ہونے لگتے ہیں؟ آئیے جانتے ہیں ماہرین اس سلسلے میں کیا بتاتے ہیں۔

تحقیق کے دلچسپ نتائج

اس حوالے سے رابرٹ زاجونک نامی سائسندان نے کئی جوڑوں پر تحقیق کی اور ان کی تحقیق کے نتائج میں یہ بات واضح ہوگئی کہ جو میاں بیوی شادی کے وقت ایک دوسرے سے مختلف دکھتے تھے، شادی کے 25 برس بعد ان کے چہروں میں حد درجہ مماثلت آچکی تھی۔

ایک جیسا دکھنے کی وجوہات

اس دلچسپ حقیقت کے بارے میں ماہرین کا کہنا ہے کہ ایک جیسا دکھنے کی کئی وجوہات ہوتی ہیں۔ جیسے کہ ایک جیسے حالات، سکھ دکھ کا سامنا کرنا، ایک دوسرے کی عادات کو اپنانا اور ایک جیسے کھانا کھانے کی وجہ سے ایک جیسی صحت ہوجانا وغیرہ شامل ہے۔