خوبانی اس وقت بازار میں ہر طرف چھائی ہوئی ہے۔ خوبانی بچوں بڑوں سب کو ہی پسند ہوتی ہے لیکن یہ بہت جلدی گل کر سڑ جاتی ہیں جس کی وجہ سے لوگ انھیں لینے سے کتراتے ہیں۔ آج ہم آپ کو خوبانی کو محفوظ رکھنے کے کچھ ٹپس دیں گے جن سے یہ زیادہ دن تک تازہ رہیں گی۔

ان پھلوں کے ساتھ نہ رکھیں

پھلوں اور سبزیوں کو اکثر ایک ساتھ فریج میں رکھ دیا جاتا ہے۔ یاد رکھیں خوبانیاں ایتھلین گیس کے لئے بہت حساس ہوتی ہیں جو قدرتی طور پر کیلے، سیب اور ٹماٹر سمیت بعض پھلوں سے پیدا ہوتی ہے۔ ایتھیلین گیس خوبانی کے پکنے کے عمل کو تیز کر سکتی ہے اور خراب ہونے کا باعث بن سکتی ہے۔ وقت سے پہلے پکنے اور سڑنے کے امکانات کو کم کرنے کے لیے اپنی خوبانی کو ایتھیلین پیدا کرنے والے پھلوں سے علیحدہ رکھیں۔ اگر ممکن ہو تو خوبانی کو فریج میں علیحدہ ڈبے یا دراز میں محفوظ کریں۔

روزانہ چیک کریں

خوبانیوں کو احتیاط سے رکھیں اور کوئی دبانے والی چیز ا پر نہ رکھیں ورنہ یہ گلنا شروع ہوجائیں گی۔ ان کا روزانہ معائنہ کریں اور اگر کوئی خوبانی خراب ہورہی ہو تو اسے فوراً الگ کردیں ورنہ باقی پھل بھی متاثر ہوگا۔

فریج میں کیسے محفوظ کریں؟

اگر خوبانیاں آج کل میں استعمال کرنی ہیں تو انھیں خشک اور نارمل درجہ حرارت پر رکھیں لیکن اگر زیادہ دنوں کے لئے محفوظ رکھنی ہیں تو انھیں فریج میں رکھیں۔ ریفریجریٹر کا ٹھنڈا درجہ حرارت پکنے کے عمل کو سست کر سکتا ہے اور خوبانی کی لائف کو بڑھا سکتا ہے۔ خوبانی کو سانس لینے کے قابل کنٹینر یا کاغذ کے تھیلے میں رکھیں اور فریج میں رکھیں۔