فریج ہر گھر کی ضرورت تو ہے لیکن آج کل کے مہنگائی کے دور میں اگر کسی کا فریج خراب ہوجائے تو نہ تو اسے بنوانا آسان ہے نہ ہی نیا فریج خریدنا۔ آج ہم اپنے قارئین کو فریج میں ہونے والے ایک عام سے مسئلے کو حل کرنے کی ایسی ٹرک بتا رہے ہیں جو آپ کے کئی ہزار کے فریج کو خراب ہونے سے بچائے گی۔
اس ٹرک کے لئے آپ کو صرف ایک سادہ کاغذ چاہیے۔ ایک کاغذ لے کر فریج کے دروازے میں ویڈیو میں بتائے گئے طریقے کے مطابق رکھیں۔ آدھا کاغذ فریج کے اندر جبکہ آدھا باہر ہو۔ اب کاغذ کو کھینچنے کی کوشش کریں۔ اگر کاغذ باہر نہیں آتا تو اس کا مطلب آپ کا فریج بالکل ٹھیک ہے لیکن اگر کاغذ کھینچنے پر باہر آرہا ہے تو اس کا مطلب فریج کا ربر خراب ہوچکا ہے اور اسے مرمت کی ضرورت ہے۔
اگر فریج کے دروازے کا ربر خراب ہوچکا ہے اور دروازہ اچھی طرح بند نہیں ہورہا تو اسے ٹھیک کرنے کے لئے فوم کے چھوٹے ٹکڑے لیں اور فریج کے دروازے کے ربر کے نیچے دبا دیں۔ اس طرح ربر دوبارہ ٹائٹ ہوجائے گا اور آسانی سے بند ہونے لگے گا۔