پاکستان اور بیلا روس نے ویزا شرط ختم کرنے کے معاہدے پر دستخط کر دیئے۔
وفاقی دارالحکومت میں پاکستان اور بیلا روس کے درمیان مفاہمتی یادداشتوں پر دستخط کی تقریب ہوئی۔ جس میں دونوں ممالک کے وزرائے خارجہ نے مفاہمتی یادداشت پر دستخط کیے۔
معاہدے میں پاکستانی سفارتی اور سرکاری پاسپورٹ رکھنے والوں پر بیلا روس کے لیے ویزے کی شرط بھی ختم کرنے کا فیصلہ ہوا، جس کے تحت سرکاری، سفارتی پاسپورٹ ہولڈرز کے لیے ویزے کی شرط ختم ہو جائے گی۔
یہ بھی پڑھیں:
اس موقع پر وزیر خارجہ بلاول بھٹو زرداری نے کہا کہ پاکستان اور بیلا روس کے درمیان دو طرفہ تعلقات کو فروغ دیا جائے گا۔
بیلا روس کے وزیر خارجہ کا کہنا تھا کہ پاکستان کے ساتھ معیشت سمیت مختلف شعبوں میں تعاون بڑھانے پر تبادلہ خیال کیا گیا اور دونوں ممالک کے تعلقات کو مزید مضبوط بنانا چاہتے ہیں۔