لاہور: 9 مئی کو جناح ہاؤس میں ہنگامہ آرائی کے الزام میں معروف ٹک ٹاکر ساجدہ کو گرفتار کر لیا گیا۔
پولیس کے مطابق پاکستان تحریک انصاف (پی ٹی آئی) کے مظاہرین کے ساتھ معروف ٹک ٹاکر ساجدہ بھی شامل تھیں اور جناح ہاؤس میں تھوڑ پھوڑ کے دوران موجود رہیں۔ انہیں جیو فینسنگ کے ذریعے گرفتار کیا گیا ہے۔
ٹک ٹاکر ساجدہ کو تھانہ سرور روڈ کی پولیس نے حراست میں لیا اور لیڈی پولیس اسٹیشن لٹن روڈ منتقل کر دیا گیا۔
یہ بھی پڑھیں:
واضح رہے کہ گرفتار ٹک ٹاکر ساجدہ پولیس یونیفارم میں بھی ٹک ٹاک بناتی رہی ہیں۔
پولیس کے مطابق خاتون نے پولیس کے سب انسپکٹر کے خلاف زیادتی کا جھوٹا مقدمہ بھی درج کروایا تھا۔