کراچی: سمندری طوفان بائپر جوائے مزید شدت اختیار کرگیا ہے جس کے پیش نظر ٹھٹھہ اور بدین کے اسپتالوں میں ایمرجنسی نافذ کر دی گئی ہے۔
حکومت سندھ کی ہدایت پر صوبے کے دونوں شہروں ٹھٹھہ اور بدین کے سرکاری ملازمین کی چھٹیاں بھی منسوخ کر دی گئی ہیں۔
اس حوالے سے بتایا گیا ہے کہ بحیرۂ عرب میں بننے والا سمندری طوفان بائپر جوائے پاکستان کی ساحلی پٹی کی طرف تیزی سے بڑھ رہا ہے اور اس وقت کراچی سے 770 اور ٹھٹہ سے 750 کلومیٹر دوری پر ہے۔
موصولہ اطلاعات کے مطابق طوفان بائپر جوائے کے مرکز میں ہواؤں کی رفتار 140 سے 160 کلومیٹر فی گھنٹہ ہے جو کہ 195 کلو میٹر کی رفتار کو بھی چھو رہی ہیں جب کہ لہریں چالیس سے پچاس فٹ تک بلند ہو رہی ہیں۔