سابق صدر آصف علی زرداری آنکھ کا چیک اَپ کرانے کیلئے دبئی پہنچ گئے جبکہ استحکام پاکستان پارٹی کے سینیئر رہنما جہانگیر ترین طبی معائنے کیلئے لندن روانہ ہوگئے۔
تفصیلات کے مطابق پاکستان پیپلز پارٹی کے شریک چیئرمین آصف زراری اپنی بیٹی بختاور بھٹو، انکے شوہر اور بچوں کے ہمراہ لاہور سے دبئی روانہ ہوئے۔ آصف زرداری دو سے تین دن قیام کرنے کے بعد وطن آپس آئیں گے۔
دوسری طرف جہانگیر ترین اپنے طبی معائنے کیلئے برطانیہ روانہ ہوگئے۔ ذرائع کا کہنا ہے کہ جہانگیر ترین کا برطانیہ میں سابق وزیراعظم نواز شریف سے ملاقات کا بھی امکان ہے۔
ذرائع کے مطابق جہانگیر ترین ایک ہفتے سے زائد برطانیہ میں قیام کریں گے، اس دوران وہ اوورسیز پاکستانیوں سے ملاقاتیں بھی کریں گے۔