وائپر ہر گھر میں عام استعمال ہونے والی چیز ہے۔ لیکن اسے استعمال کرنا اتنا بھی آسان نہیں کیونکہ نفاست پسند لوگ وائپر سے صفائی کے بعد زمین پر پڑنے والے دھبوں سے سخت نالاں ہوتے ہیں۔ آج ہم اس مصیبت کا حل اپنے قارئین کے لئے پیش کررہے ہیں
گھر میں کسی بھی سائز کے پرانے موزے موجود ہوں تو انھیں دھو کر خشک کرلیں۔ اب وائپر کے نچلے حصے میں دونوں طرف سے موزے چڑھا دیں۔ مزید آسانی سے سمجھنے کے لئے نیچے دی گئی ویڈیو دیکھیں
ویڈیو میں دیکھا جاسکتا ہے کہ کس طرح وائپر کے دونوں اطراف میں موزے چڑھائے گئے ہیں۔ اب کسی ٹب میں پانی لیں اور پونچھے کے لئے جو ڈٹرجنٹ استعمال کیا جاتا ہے وہ ڈالیں اور وائپر کو اس میں بھگو کر موزے کو ہاتھ سے دبا کر اضافی پانی نکال دیں۔
اب جس جگہ کی صفائی کرنی ہو وائپر اس پر پھیریں۔ جگہ بغیر کسی محنت کے صاف ہوجائے گی اور کچرا موزے میں جذب ہوجائے گا۔ موزے کی وجہ سے فرش پر وائپر کے نشان بھی نہیں بنیں گے۔