شہری ماجد محمود کی جانب سے اسلام آباد کے تھانہ آبپارہ میں صابر شاکر، معید پیرزادہ سمیت 4 افراد کے خلاف بغاوت اور دہشت گردی کے مقدمے میں 9 مئی کو ویڈیو پیغامات کے ذریعے فوجی تنصیبات پر حملوں کے لیے اکسانے کا الزام عائد کیا گیا تھا۔
جس کے بعد صحافی صابر شاکر کیخلاف درج بغاوت و انسداد دہشت گردی کے مقدمے کی تفتیش میں پیشرفت ہوگئی۔
میڈیا رپوٹ کے مطابق، آبپارہ پولیس نے صابر شاکر کی رہائش گاہ ایف سیون فور میں آج چھاپہ مارا۔
چھاپے کے دوران گھر کی تلاشی لیتے وقت ان کے رہائشی کمرے کی الماری سے کلاشنکوف برآمد ہوئی۔ بتایا جارہا ہے کہ کلاشنکوف لوڈڈ تھی جس میں سے دس گولیاں بھی برآمد ہوئیں۔
اور اب پولیس نے صابر شاکر کیخلاف کلاشنکوف برآمدگی کا مقدمہ بھی درج کرلیا ہے۔
آبپارہ پولیس نے کلاشنکوف برآمدگی کوصابر شاکر کیخلاف زیر تفتیش مقدمہ کی تفتیش میں شامل کرلیا ہے۔