قربانی کے جانوروں کی دیکھ بھال کرنا سب سے اولین فریضہ ہے لیکن کچھ اتنے شرارتی جانور آ جاتے ہیں کہ انہیں دیکھ کر مالک تو بیچارے سر پکڑ لیتے ہیں۔ کبھی وہ بھاگ جاتے ہیں تو کبھی رسیاں چھڑواتے نظر آتے ہیں۔ ایسے ہی ایک ویڈوی قربانی کے جانور کی سوشل میڈیا پر وائرل ہو رہی ہے جس میں جانور بپھر گیا اور ریسٹورنٹ میں ایسے جا گھسا جیسے اس کا اپنا ہی بنایا ہوا ہو۔
کراچی کے علاقے ڈی ایچ اے 6 میں ایک بیل بھاگتے ہوئے ریسٹورنٹ میں گھس جاتا ہے جس نے شہریوں کی خوب دوڑیں لگوائی ہیں۔ بیل کو ریسٹورنٹ کے گیٹ سے باآسانی اندر گھستے اور پھر چند افراد کو بیل کو باہر نکالتے دیکھا جاسکتا ہے۔ ریسٹورنٹ کے مالک نے نجی ٹی وی کو بتایا کہ ملازم نے بیل ریسٹورنٹ کی جانب آتا دیکھ کر شیشے کا دروازہ بند کرنےکے بجائے کھلے رکھے، البتہ اس سے جوئی جانی و مالی نقصان نہیں ہوا اگر دروازے بند کر دیتے تو یقیناً جانور کو شیشے لگ جاتے۔