عید قرباں پر جہاں جانور کی خریداری اور اس کی دیکھ بھال میں لوگ مصروف ہوتے ہیں ویسے ہی گھر کے سربراہ اچھے قصائی کی تلاش بھی کررہے ہوتے ہیں۔ البتہ قربانی کے بعد احساس ہوتا ہے کہ قصائی اناڑی تھا اور ہمارے پیسے تو ضائع ہوگئے۔ اس آرٹیکل میں ہم چند نشانیاں بتائیں گے جس سے آپ بھی اناڑی اور پروفیشنل قصائی کی پہچان کرسکیں گے۔
ہاتھوں میں نشان
سارا سال گوشت اور قصائی کا کام کرنے والے قصائیوں کے ہاتھ اور انگلیوں میں گٹے پڑ جاتے ہیں۔ یہ نشان اناڑی قصائی کے ہاتھ میں نہیں ہوتے۔
سستے ملنے والے قصائی
ایسے قصائی جو کم قیمت پر مل جائیں عموماً اناڑی ہوتے ہیں کیونکہ اصل قصائی اپنے کام سے واقف ہوتا ہے۔ اسے محنت اور ذمہ داری کا اندازہ ہوتا ہے۔ پروفیشنل قصائی پیسے زیادہ لے گا مگر گوشت بھی اچھا بنائے گا۔
جانور کو تکلیف نہ دیں
قصائی بک کرتے ہوئے ہمیشہ پہلے ان کے اوزار دیکھیں۔ اناڑی قصائی جانور زبح کرتے ہوئے بہت وقت لگائے گا جس سے جانور کو تکلیف ہوگی جبکہ پروفیشنل قصائی جلد سے جلد جانور قربان کرے گا اور اسے تکلیف نہیں دے گا۔