نانگا پربت پر پھنس جانے والے پاکستانی کوہ آصف بھٹی نے کیمپ 3 کی طرف واپسی کا سفر شروع کر دیا ہے۔منگل کو قراقرم کلب نے ایک ٹویٹ میں لکھا کہ ’تازہ اپ ڈیٹس کے مطابق آصف بھٹی اور آذربائیجان کے کوہ پیما اسرافیل نے کیمپ 3 کی طرف اترنا شروع کر دیا ہے۔‘مزید لکھا گیا کہ ’توقع ہے کہ قراقرم ایکسپیڈیشن کے دو کوہ پیماؤں کو آصف بھٹی کی مدد کے لیے ہیلی کاپٹر کے ذریعے کیمپ 2 پر اتارا جائے گا۔‘اس سے قبل وزیراعظم شہباز شریف نے نانگا پربت پر پھنس جانے والے کوہ پیما کے بیٹے کی اپیل کا نوٹس لیتے ہوئے ریسکیو آپریشن کی ہدایات جاری کی تھی۔کوہ پیما آصف بھٹی کے بارے میں اطلاعات تھیں کہ وہ مہم کے دوران آٹھ ہزار میٹر کی بلندی پر پھنس گئے تھے۔ آصف بھٹی کے بیٹے واصف بھٹی نے سوشل میڈیا کے ذریعے وزیراعظم شہباز شریف سے مدد کی اپیل کی تھی۔وزیراعظم نے حکام کو کوہ پیما کے بیٹے سے رابطہ کر کے تسلی دینے کی ہدایت بھی کی تھی۔As per updates, Asif Bhatti and Azerbaijan's climber Isfrafyl have already started the descent towards C3. @KE_xpeditions Shah Daulat who summited #NangaParbat on June 26 without oxygen and another climber M. Yonus are expected to be dropped at C2 by Heli for further assistance… https://t.co/DmZETc5juq
— The Karakoram Club (@KarakoramClub) July 4, 2023
وزیراعظم کی جانب سے چیف سیکریٹری گلگت بلتستان کو کوہ پیما کی بحفاظت واپسی کے لیے اقدامات کرنے کی ہدایت کی گئی جبکہ آرمی حکام کو ریسکیو آپریشن شروع کرنے کا کہا گیا۔پیر کو الپائن کلب آف پاکستان کے سیکریٹری جنرل کرار حیدری نے اردو نیوز کے رابطہ کرنے پر بتایا تھا کہ ’آصف بھٹی آٹھ ہزار میٹر بلندی پر سنو بلائنڈنیس (یعنی برف کی وجہ سے دکھائی نہ دینے کے مسئلے) کا شکار ہو گئے ہیں۔کرار حیدری کے بقول ’آصف بھٹی کو ریسکیو کرنے کی کوششیں کر رہے ہیں اور اس حوالے سے مقامی افراد سے بھی تعاون لیا جا رہا ہے۔‘
آصف بھٹی کے بارے میں اطلاعات ہیں کہ وہ آٹھ ہزار میٹر کی بلندی پر پھنس گئے ہیں۔ (فوٹو: الپائن کلب)
انہوں نے بتایا کہ ’آصف بھٹی کے ساتھ پیش آنے والے واقعے کا علم ان کے رابطہ کرنے سے ہی ہوا۔‘
نانگا پربت دنیا کی نویں بلند ترین چوٹی ہے جسے سر کرتے ہوئے ماضی میں ایک ہسپانوی کوہ پیما بھی موت کا شکار ہو گیا تھا۔ثمینہ بیگ اور نائلہ کیانی کے علاوہ چند دیگر پاکستانی کوہ پیما اس سے قبل نانگا پربت کی چوٹی سر کر چکے ہیں۔