ہماری عوام کے پاس جتنے مسائل ہیں اتنے ہی حل بھی موجود ہیں، جسے عام زبان میں ہم جگاڑ کہتے ہیں۔ ہم پاکستانیوں کی یہی خاصیت ہے کہ ہم آسانی سے ہار نہیں مانتے اور اپنی مشکلوں کا حل تلاش کرنے کیلیئے کچھ نہ کچھ طریقہ نکال ہی لیتے ہیں۔
اب جیسا کہ ان دنوں شوشل میڈیا پر وائرل ہونے والے ان صاحب کی ویڈیو، جو قربانی کے گوشت کا قیمہ بنانے کیلیئے اپنی رکشا کا استعمال کر رہے ہیں۔
ایک نظر پہلے اس ویڈیو پر ڈالیں
ویڈیو میں دیکھا جاسکتا ہے کہ دو آدمیوں نے سڑک کنارے رکشا کے ساتھ قیمہ بنانے کی مشین لگائی ہوئی ہے جس سے وہ لوگوں کو گوشت کا قیمہ بنا کر دے رہے ہیں۔
دراصل انہوں نے سائیکل کی چین (زنجیر) کو رکشا کے پہیے اور قیمہ بنانے والی مشین سے جوڑا ہوا ہے، جس کی وجہ سے وہ باآسانی چل پا رہی ہے اور تھوڑے ہی وقت میں ڈھیر سارا قیمہ بنا کر دے رہی ہے۔
آس پاس کھڑے لوگ یہ طریقہ کار دیکھ کر کافی محظوظ ہورہے ہیں یہاں تک کہ سوشل میڈیا پر بھی صارفین اس جگاڑ کو کافی پسند کر رہے ہیں۔