کسی زمانے میں چند ایک گھروں میں اے سی ہوا کرتے تھے لیکن اب مجبوری ہے کہ دنیا بھر کے درجہ حرارت ک بڑھنے کی وجہ سے اے سی کا استعمال لازمی ہوگیا ہے۔ البتہ جب بجلی کا بل آتا ہے تو لوگ سوچتے ہیں کہ کاش ہم نے اے سی نہ چلایا ہوتا۔ آج کے آرٹیکل میں آپ کو ایسا طریقہ بتایا جائے گا جس سے بجلی کا بل بھی کم آئے گا اور آپ اے سی کی ٹھنڈی ہوا میں آرام سے سو سکیں گے۔
ماہرین کے مطابق سی کے تھرمو اسٹیٹ کا درجہ حرارت 26 رکھنا چاہیے کیوں یہ وہ درجہ حرارت ہے جس سے کمرہ معقول حد تک ٹھنڈا ہوجاتا ہے اور بجلی کا بل بھی مناسب آتا ہے۔ البتہ اس سے کم درجہ حرارت کرنے پر بجلی کا بل بڑھ جاتا ہے۔
ماہرین کا کہنا ہے کہ رات کے وقت اے سی کا درجہ حرارت 28 یا 29 پر کیا جاسکتا ہے کیونکہ اس وقت جسم کا درجہ حرارت ویسے بھی کم ہوچکا ہوتا ہے اور زیادہ گرمی نہیں محسوس ہوتی۔ ایسا کرنے سے بھی بجلی کا بل کم کرنے میں مدد ملتی ہے۔