شہر قائد میں گزشتہ روز تیز ہواؤں کے ساتھ ہونے والی موسلادھار بارش کے بعد آج بھی شہر بھر میں وقفے وقفے سے کہیں تیز اور کہیں ہلکی بارش کی پیش گوئی کی گئی ہے۔
محکمۂ موسمیات کے مطابق، آئندہ 24 گھنٹوں کے دوران کراچی میں مطلع ابر آلود رہنے کا امکان ہے، جبکہ منگل تک بارش ہوسکتی ہے۔
اتوار کے روز ہونے والی بارش سے شہر کا موسم خوشگوار ہوگیا ہے اور آج بروز پیر کی صبح سے ہی آسمان پر گہرے بادل چھائے ہوئے ہیں۔
موسم کی رپورٹ کے مطابق، کراچی میں آج زیادہ سے زیادہ درجۂ حرارت 34 سے 36 ڈگری سینٹی گریڈ تک جانے کا امکان ہے۔
میٹ آفس کا کہنا ہے کہ، آئندہ ہفتے بھی شہر قائد میں ہلکی بارش کا امکان ہے تاہم اگست میں مون سون کے سلسلے میں تیز بارشوں کا امکان ہے۔
گزشتہ روز سرجانی ٹاؤن میں سب سے زیادہ 20 ملی میٹر بارش ریکارڈ کی گئی۔