وزیرِاعظم شہباز شریف متحدہ عرب امارات کے صدر شیخ محمد بن زاید آل نہیان کے بھائی شیخ سعید بن زاید آل نہیان کے انتقال پر تعزیت کے لیے متحدہ عرب امارات روانہ ہو گئے ہیں۔
وزیرِاعظم ہاؤس کی جانب سے جمعے کو جاری ہونے والے بیان کے مطابق وزیرِاعظم شہباز شریف پوری قوم کی طرف سے برادر ملک متحدہ عرب امارات کے صدر سے تعزیت کا اظہار کریں گے۔وفاقی وزیر خزانہ اسحاق ڈار اور معاون خصوصی طارق فاطمی بھی وزیرِاعظم کے ہمراہ ہیں۔