روس نے انٹرنیشنل کریمنل کورٹ کے کے صدر پیوٹر ہوفمنسکی کو روس کو مطلوب افراد کی فہرست میں شامل کیا ہے۔
خیال رہے دی ہیگ میں قائم عالمی عدالت نے روس کے صدر دلادیمیر پوتن کے وارنٹ جاری کیا تھا بظاہر جس کے جواب میں روس نے مذکورہ قدم اٹھایا ہے۔فرانسیسی خبر رساں ادرے اے ایف پی کے مطابق روس کے وزارت داخلہ کے ڈیٹا بیس پر شیئر کیے جانے والے نوٹس میں کہا گیا ہے کہ کہ ’پیوٹر ہوفمنسکی پولش روسی فیڈریشن کے کریمنل کوڈ کے ایک آرٹیکل کے تحت روس کو مطلوب ہے۔‘وزارت نے پیوٹر ہوفمنسکی کے خلاف الزامات کی تفصیل اور نوعیت کے بارے میں کچھ نہیں بتایا ہے۔رواں سال مارچ میں دی ہیگ میں قائم عالمی عدالت نے غیر قانوی طور پر یوکرینی بچوں کو ڈیپورٹ کرکے جنگی جرائم کے ارتکاب کے الزام میں روسی صدر کا وارنٹ گرفتاری جاری کیا تھا۔انہی الزامات پر آئی سی سی نے روس کے صداراتی کمشنر برائے حقوق اطفال کے وارنٹ گرفتاری بھی جاری کیا تھا۔قبل ازیں روس نے آئی سی سی کے پراسکیوٹر کریم خان اور کئی ججوں کے وارنٹ گرفتاری جاری کیا تھا۔روس آئی سی سی کا ممبر نہیں اس لیے اس کا اصرار ہے کہ پوتن کے خلاف وارنٹ کی کوئی حیثیت نہیں۔رواں سال ستمبر میں آئی سی سی نے یوکرین میں فیلڈ آفس قائم کیا تھا تاکہ روسی افواج کو یوکرین پر حملے کے لیے جواب دہ ٹھہرایا جائے۔